انت البلاسيبو "العلاج الوهمي"

شايف من تشرب حباية "بندول" ويطيب راسك قبل ما الحباية تذوب بمعدتك أصلاً؟ أو من تقتنع إنو فلان دعاء أو فلان خلطة راح تشفيك وتكوم فعلاً مثل الحصان؟
​هذا مو سحر، هذا اللي يسموه "البلاسيبو".. يعني قوة عقلك وقناعتك اللي تگدر تغير كيمياء جسمك بالكامل!

​ليش لازم تقرأ كتاب "أنت البلاسيبو"؟
​بهذا الكتاب، الدكتور جو ديسبينزا راح يثبتلك بالعلم والأرقام إنو:
​عقلك صيدلية متكاملة: إنت ما تحتاج "حباية وهمية" حتى تطيب، إنت تگدر تبرمج عقلك حتى يفرز المواد اللي تشفيك من الأمراض والتوتر.

​اكسر الروتين: يعلمك شلون تطلع من سجن أفكارك القديمة والـ "أني هيج حظي" وتصنع واقع جديد تعيش بيه بصحة وطاقة.

​قصص خيالية بس حقيقية: الكتاب متروس قصص لناس جانوا مأيسين من الشفاء، وبس كدروا يغيرون "قناعتهم" الداخلية، أجسامهم استجابت وتشافوا بطريقة عجيبة.

​هذا الكتاب إلك إذا كنت:
​_تعبت من التفكير السلبي والقلق اللي ماكل روحك.
_ تريد تفهم شلون "العقل فوق المادة" وشلون تسيطر على صحتك.
_ تدور على تغيير جذري يبدأ من جوه (من أعصابك وخلاياك) مو بس من بره.

​الخلاصة:
لا تنتظر معجزة تجيك من بره.. المعجزة نايمة بداخل عقلك، وهذا الكتاب هو "الكتلوج" اللي يعلمك شلون تشغلها.
​روح اقراه وخلي عقلك يبلش يبني جسمك من جديد!